Header Ads

ఇప్పపూలు

ఇప్పనూనె ఫలధికరణ తరువాత రెండు నెలలకు కాయలు పక్వానికి వస్తాయి.
జూన్‌, జూలై నాటికి కాయలు పూర్తిగా పండి, విత్తనాలు ఏర్పడుతాయి. కాయ ఆండాకారంలో చిన్నకాయాలా ఉంటాయి. పండు లోపలి భాగంలో గుజ్జు, దాని దిగువన గింజ ఉంటుంది.
ఒక చెట్టు నుండి ఏడాదికి 60 నుండి 80 కిలోల విత్తనం లభిస్తుంది.
పెద్ద చెట్లు నుండి అయితే 100కిలోల వరకు విత్తనాలు లభిస్తాయి. ఈ విత్తనాలలో 30 నుండి 35శాతం వరకు నూనె ఉంటుంది.
విత్తనంలో రెండు పిక్కలు ఉండగా 46 నుండి 50 శాతం వరకు నూనె ఉంటుంది.పండ్లు పక్వానికి వచ్చిన తరువాత రాలి కిందపడుతాయి. పండిన పండ్లను గిరిజనులు, సమీప గ్రామస్తులు సేకరించి ట్రైబల్‌ కో ఆపరేటివ్‌ సంస్థలకు, వ్యాపారులకు విక్రయిస్తుంటారు. విత్తన సేకరణ జూన్‌ నుండి ఆగస్టు వరకు కొనసాగుతుంది. స్థానికంగా గిరిజనులు సేకరించిన ఇప్పకాయలను తొక్క తొలచి ఎండబెట్టి ఎక్కువ శాతం మధ్య దళారులకు అమ్ముతుంటారు. కొంత మంది ఈ గింజలతో నూనె తీసి వంటకాలలో వాడుతారు. మరికొంత మంది ఈ నూనెను చిన్న చిన్న మిల్లుల వద్దనే అమ్మేస్తుంటారు. ఈనూనెలో ఔషధ గుణాలున్నాయని గిరిజనులు పేర్కొంటున్నారు.
గిరిజనులు చెట్ల కింద పడిన పూలను ఏరి ఆరుబయట నేలపై ఆరబెడుతారు. భద్రాచలం పుణ్య కేత్రాన్ని సందర్శించిన భక్తులకు ఇప్పపూలను సీతమ్మ ప్రసాదంగా స్వీకరించడం ఆనవాయితీ.

ఇప్ప పూలతో జామ్  తయారీ విధానం :

ఇప్ప పూల పొట్టు తొలగించి శుభ్రమైన నీటితో మూడు సార్లు కడికి కుక్కర్లో వేసి ఉడక బెట్టాలి. ఉడక బెట్టిన పూలను కొద్దిసేపు చల్లబడే వరకు ఉంచి మిక్సీలో వేసి ఫేస్ట్‌లా రుబ్బాలి. అదేవిధంగా బొప్పాయి. జామ, అరటి, యాపిల్‌ పండ్ల గుజ్జును కూడా తయారు చేసుకోవాలి. మొత్తం అన్నీ రకాల పండ్లు, ఇప్ప పూల గుజ్జును తూకం వేసి తూనికానికి సగం పంచదార కలిపి సన్నని సెగపై కింద అడుగు అంటకుండా మెదుపుతూ సుమారు 2 గంటల పాటు కాయాలి. కొంచెం తీసి నీళ్లలో వేసినప్పుడు ఆ కొంచెం నీళ్లలో కలవకుండా నేరుగా కిందికి దిగిపపోయినప్పుడు జామ్‌ తయారు అయినట్లుగా గుర్తించాలి.

ఇప్ప కేక్‌ :  మైదా పిండిలో బేకింగ్‌ పౌడర్‌, కోడి గుడ్డు, సోడా, వేసి అందులో 200 మిల్లిలీటర్ల పాలు పోసి కలపాలి. బాగా కడిగి, ఉడకబెట్టి రుబ్బిన ఇప్ప పూల పేస్ట్‌ని కలపాలి. 300 గ్రాముల నూనెలలో అర కిలో పంచదార పౌడర్‌ వేసి బాగా కలపాలి. రెండు ఫేస్ట్‌లను కలిపి బాగా సాగేలా పూర్తిగా అన్నీ కలిసేలా కలిపాలి. మిశ్రమాన్ని బాగా ఒక గంట వరకు కలిపి, అరగంట వరకు అలాగే ఉంచాలి. బాగా కలిపిన మిశ్రమాన్ని కావాల్సిన సైజ్‌లో గల కప్పులలో నింపాలి. వాటిపై పల్లీలు, జీడిపపప్పు,బాదం అలంకరించి మైక్రో వోవెన్‌లో ఉంచాలి. 600 హీట్లో 15 నిమిషాలు ఉంచి ఆతరువాత తీసి భద్రం చేసుకోని కావాల్సినప్పుడు తినవచ్చు.

ప్రభుత్వం స్పందించి తమకు ఆర్థికతోడ్పాడు అందించాలని గిరిజనులు కోరుతున్నారు. అదే విధంగా ప్రభుత్వమే ఇప్పపూవు కేంద్రాలను ఏర్పాటు చేసి కొనుగోలు చేస్తే తాము ఆర్థికాభివృద్ధి సాధిస్తామని ములుగు, ఏటూరునాగారం, తాడ్వాయి, మంగపేట ప్రాంతాల్లోని గిరిజనులు కోరుతున్నారు.
#IPPAPULU #TADVAI #FOREST #TRIBAL
#AAP.