Header Ads

కొర్వి కృష్ణస్వామి ముదిరాజ్

కొర్వి కృష్ణస్వామి ముదిరాజ్ బహు భాషా కోవిదుడు... రచయిత...
పాత్రికేయుడు.
హైదరాబాద్ నగర తొలి మేయర్‌గా ఎనలేని సేవలందించిన పరిపాలనాధక్షుడు.
పిక్టోరియల్ హైదరాబాద్ పేరుతో నగర చరిత్రను అందించినవాడు.
నగర అభివృద్ధికి ప్రణాళికాబద్ధమైన ఆచరణను జోడించినవాడు.
అన్నివర్గాల ప్రజల మన్ననలందుకున్న కృష్ణస్వామి సేవలు మరువలేనివి.
నగరంపై ఆయన తనదైన ముద్రను వేశాడు.
నేడు కొర్వి కృష్ణస్వామి 123వ జయంతి.
ఈ సందర్భంగా ప్రత్యేక కథనం..
ఔరంగాబాద్ జిల్లా జాల్నాలో జన్మించిన కృష్ణస్వామి బాల్యం అక్కడే గడిచింది. తండ్రి ఎల్లయ్య సైనికుడు. పంజాబ్, బర్మా యుద్ధాల్లో పాల్గొన్నాడు. తండ్రి నుంచి ధైర్య,సాహసాలను అలవర్చుకున్నాడు కృష్ణస్వామి. చాదర్‌ఘాట్ ఉన్నత పాఠశాలలో మెట్రిక్యులేషన్, ఇంటర్‌మీడియట్ పూర్తిచేసిన కృష్ణస్వామి హిందీ, ఉర్దూ, మరాఠీ, ఇంగ్లిషు భాషల్లో ప్రావీణ్యం సాధించాడు. కృష్ణస్వామి ప్రతిభను గుర్తించిన అప్పటి హైదరాబాద్ రాష్ట్ర ప్రధానమంత్రి మహారాజా సర్ కిషన్ ప్రసాద్ బహదూర్ తన ఆంతరంగిక కార్యదర్శిగా నియమించుకున్నాడు. రచయితగా.. కృష్ణస్వామి మంచి రచయిత. హైదరాబాద్ నగర చరిత్రను అధ్యయనం చేయాలంటే.. కృష్ణస్వామి రచనలు చదవాల్సిందే. హైదరాబాద్ నగర నిర్మాణ చరిత్ర, హైదరాబాద్ మున్సిపల్ పరిపాలన వ్యవస్థ చరిత్ర, హైదరాబాద్ రాజ వంశీయులు-నవాబులు- జాగీర్దారుల చరిత్ర (పిక్టోరియల్ హైదరాబాద్), హైదరాబాద్ రాష్ట్ర 30 సంవత్సరాల పోరాటం, ముదిరాజ్ జాతి చరిత్ర, గోవా రాష్ట్ర స్వాతంత్య్ర ఉద్యమం, బయోగ్రఫీ ఆఫ్ నవాబ్ జంగ్ బహదూర్ వంటి పలు గ్రంథాలను రచించారు. రచయితగా, పాత్రికేయులుగా కృష్ణస్వామి సేవలు విశేషమైనవి. దక్కన్ స్టార్, ముసావత్, ది న్యూ ఎరా వంటి పత్రికలకు ఆయన సంపాదకత్వం వహించారు. నిజాంప్రభుత్వం స్టేట్ కాంగ్రెస్‌ను నిషేధించినప్పుడు వ్యతిరేకంగా సత్యాగ్రహం చేశారు. మేయర్‌గా.. 1933లో తొలిసారి చుడీ బజార్ నియోజకవర్గం నుంచి కృష్ణస్వామి మున్సిపల్ కౌన్సిలర్‌గా ఎన్నికయ్యారు. 1940లో ప్రభుత్వం తరుపున నాయంబు మీర్ మజ్లిస్‌గా నియమితులయ్యారు. 1955లో నగర ఉప పాలకులుగా ఎన్నికయ్యారు. 1956లో నగర మేయర్‌గా బాధ్యతలు స్వీకరించారు. నగర అభివృద్ధిపై ప్రత్యేక శ్రద్ధ వహించిన కృష్ణస్వామి.. భవిష్యత్తును దృష్టిలో పెట్టుకొని అభివృద్ధి ప్రణాళికలు ఉండాలని కోరుకున్నారు. అందుకు మాస్టర్ ప్లాన్ అవసరమని భావించారు. అందుకోసం విశేష కృషి చేశారు. ఆయన సేవలను గుర్తిస్తూ బేగంబజార్ నుంచి జుమ్మెరాత్‌బజార్ రహదారికి కృష్ణస్వామి ముదిరాజ్ పేరు పెడుతూ 1996 నవంబర్ నాల్గో తేదీన జీఓ నం.996ను జారీ చేసింది. నగరంలో విద్యావ్యాప్తికి సైతం ఆయన విశేష కృషి చేశారు. నారాయణగూడలోని బాలికల ఉన్నత పాఠశాల, కన్య పాఠశాలను స్థాపించారు

#AAP