Header Ads

CHINTA NEKKONDA TEMPLE

చింత నెక్కొండ గ్రామంలోని కాకతీయుల కాలంనాటి శివాలయం ఇది.
గ్రామంలోని ఒకే విశాల ప్రాంగణంలో శివాలయం , రామాలయం ఉండటం ఇక్కడ ప్రత్యేకత..
ఆలయాల పక్కనే ఒక కోనేరు ఉంది...
వేసవి కాలంలో గ్రామంలో ని బోరు బావుల్లో నీరు లేనప్పటికీ ఇక్కడి కోనేరులో ఉండటం విశేషం
ఇందులో నీరు ఎప్పుడు కూడా ఎండిపొదు అని చెప్తారు.
ఆ కోనేరు పక్కనే ఆరు అడుగుల పొడవు ఉన్న లంబోదరుడి విగ్రహం ఇక్కడ గల మరో ఆకర్షణ.
శివాలయం ఎదురుగా వినాయకుడి విగ్రహం పక్కనే 4 స్తంభాల తో నిర్మించబడిన నంది మండపం ఉంది.
శివాలయం మొత్తం 20 స్తంభాలతో నిర్మించబడింది.కాగా ప్రస్తుతం 14 స్తంభాలు మాత్రమే ఉన్నాయి..
ఆలయానికి రెండు వైపులా ప్రవేశద్వారాలున్నాయి..
ఆలయంలోని స్తంభాలకు చామరదారి శిల్పాలు చెక్కబడ్డాయి.
గర్భాలయం లో శివలింగం యొక్క పానవట్టం మూడు అంచెలలో చెక్కబడింది.
గర్భాలయానికి ముందుగల స్తంభాలపై ద్వారపాలక శిల్పాలున్నాయి.
ఆలయ ప్రాంగణంలో మరో శివలింగం యొక్క పానవట్టం ఉంది....
ఆలయం పక్కనే పూర్వం గండ దీపం పెట్టడానికి
ఉపయోగించిన దీప స్తంభం ఉంది.
రామాలయము సమీపంలో ధ్వజ స్తంభం పడి ఉంది.
ఇక్కడ ప్రస్తుతం పూజలు జరగడం లేదు.
ధూప దీప నైవేద్యాలు జరిగినప్పుడు గ్రామం నుండే కాకుండా పక్క గ్రామాలనుండి కూడా భక్తులు వచ్చేవారంట.
గతంలో దేవాదాయ శాఖ నిధులు మంజూరు చేయగా ఆ నిధులతో ఆలయ మాన్యం భూముల రక్షణార్థం చుట్టూ ఇనుప కంచె వేశారు. ప్రస్తుతం ఆ కంచె ఆనవాళ్లు కూడా లేవు...
పర్యవేక్షణ లేకపోవడం వలన
ఆలయం విమాన శిఖరం పైన చెట్లు పెరుగుతున్నాయి...
దీంతో ఆలయం బలహీనం అవుతుంది..
అంతేగాక ఆలయానికి సంబంధించిన భూములు కబ్జాకి గురవుతున్నాయని గ్రామస్తులు ఆరోపిస్తున్నారు...
కాబట్టి సంబంధిత శాఖ ల అధికారులు తక్షణమే స్పందించి ఆలయాన్ని పునరుద్ధరించాల్సిన అవసరం ఎంతైనా ఉంది.
‪#‎AAP‬
‪#‎CHINTANEKKONDA‬
‪#‎HISTORY‬
‪#‎HERITAGE‬
‪#‎MAKEHERITAGEFUN‬
‪#‎KAKATIYATEMPLE‬
Chintha Nekkonda, Telangana 506369